Hanga’t tayo ay hinugasan, pinabanal, at pinawalang-sala sa pangalan ng Panginoong Jesus-Cristo, tayo ay kasing sama ng mga iba na inaakala natin na masama. Tayo ay tutol sa kasalanan. Pero hindi ito dahil masmaayos tayo kaysa sa mga masasama. Hindi ito dahil napakagaling nating tao. Hindi ito dahil sa likas na katarungan sa ating sarili. Hindi tayo “mas banal sa iyo,” kundi, tayo ay “kasing sama.” Lahat po tayo ay nangailangan ng paghuhugas, kabanalan, at pagwalang-sala ng Diyos na malayang ibinibigay ni Cristo. At dahil lamang sa biyaya ng Diyos maari nating sabihin na tayo ay hinugasan, pinabanal, at pinawalang-sala. Kaya nararapat lamang na ang paglilingkod natin ay namumunga sa isang pakiramdam ng pasasalamat at pakumbaba. Meyroon tayong utang na loob sa Panginoong Jesus dahil siya ang nagtubos sa ating mga kasalanan. Tayo ay kaniyang binili sa kaniyang banal na dugo. Tayo ay inaring-ganap ng dahil lamang sa kaniya. Wag natin tingnan ang pagkatao natin, o ang kakayahan natin. Tingnan nating mabuti si Jesus-Cristo. Walang sinoman ang mapapahamak habang sa kaniya lamang ang tumitingin.