Ang panalangin ay ang pag-aangat ng puso at kaluluwa sa Diyos. Naalaala mo ba ang mga panalangin ni Hannah? Hindi ang kanyang tinig na napansin ngunit ang kapaitan ng kanyang kaluluwa ang nagpalakas sa kanyang pagsamo (1 Sam. 1:10, 13). Ibinuhos niya ang kanyang kaluluwa sa Diyos. Ganito ang tunay na pananalangin. Si Moises ay nanalangin ng isang panalangin na walang nakasulat na kung ano ang kanyang sinabi, suriin mo ang Exodo 14:14 at v.15. Ang panalangin ay hindi sa tinig ng boses, datapuwa't ito ay sa pag-iisip, ito ay sa pag-aangat ng kaluluwa, o pagbuhos ng puso sa Diyos. Nawa tayo ay lumapit sa Diyos na may mapagpakumbabang tinig at may pagpapasalamat sa puso, sapagkat Siya ay nag-uutos at nagnanais na dalhin natin sa Kanya ang ating mga kahilingan sa pamamagitan ng pananampalataya at sa pangalan ng Panginoong Jesu-Cristo.