Sign in or signup

CODE #

4,617 active users!!Bandwidth
SATURDAY
JUL 22, 2017
Home
NewsSITE
Events & Blogs
New Audio & Video
Broadcasters
Local & Church Finder
Webcast LIVE NOW!
Sermons by Bible
Sermons by Topic
Sermons by Speaker
Sermons by Date
Staff Picks
CommentsALL -4 min
Top Sermons
VideosPDFs
Daily Log
Photos
Stores
Online Bible
Hymnal
Daily Reading
Our Services
Submit Sermon
Members Only

Mobile Apps | Info
Enjoy sermons from this broadcaster
on a variety of mobile devices.
MyChurch: khmer
MyChurch Code ID: 20912
Church Apps | Info
Creating your own Church App is
as simple as turning ON the option.
 | Carrollton, Texas
Podcast + Codes
Newest Widget | Demo
Sermons Embed | Info
Latest Blog | Info | Demo
Our Blog
Older
Newer
Blog
Post+
Search
  
Filter By

014- Consequence of Worshipping Idles
THURSDAY, JUNE 28, 2012
Posted by: Cambodian Community Church | more..
1,300+ views | 300+ clicks
អត្ថបទព្រះបន្ទូល

ផលវិបាកដោយការថ្វាយបង្គំរូបព្រះ

នៅពេលដែលខ្ញុំអានព្រះគម្ពីរ លេវីវិន័យ ជំពូក២៦ ខ្ញុំមានការចាប់អារម្មណ៍ យ៉ាងខ្លាំង ថាហេតុដូចម្ដេច បានជារឿងនេះ ស្រដៀងរឿង ដែលកើតឡើង នៅ ស្រុកខ្មែរ ជំនាន់ខ្មែរក្រហមម្លេះ? វាលពិឃាដ នៅ ស្រុកខ្មែរ ដូចជារឿង យល់សប្ដិ អាក្រក់មួយ ព្រោះ មនុស្ស ជាតិ ដែលមិនបានឃើញ ផ្ទាល់ភ្នែក ពិបាក នឹងជឿ ថាជា រឿងពិតណាស់ ហើយឥឡូវនេះ សូម្បី តែ អ្នកដឹកនាំ ស្រុកខ្មែរ នៅជំនាន់ នោះ ក៏ឥត បានដឹង ពីការនោះទេ គ្មានអ្នកណា ទទួលខុសត្រូវ រឿង នេះទេឬ?។ ការសម្លាប់ រង្គាល អស់ជីវិត ជាង២ លាននាក់ (ចំនួននេះ បានបន្ថយ ជាលំដាប់ ព្រោះវា ច្រើន ឥតគណនា) ពិភពលោក ឥតមានខ្វល់ខ្វាយ ចូលទៅជួយ សោះឡើយ តើអង្គការ សហប្រជាជាតិ ឬ អាមេរិកាំង ខ្លាចខ្មែរក្រហមឬ? ដូចជាមិនមែនទេ ហើយ គេនៅ រង់ចាំ ទាល់តែឱក្រិតជន ស្លាប់ជិតអស់ ទើបគេចាប់ផ្ដើម ហៅមកកាត់ក្ដី ហើយអ្នក ទោស កំប៉ិកកំប៉ុក នោះ ត្រូវបាន កាត់ទោស មុនគេ ចំណែក អ្នកជាប់ ពាក់ពន្ធ មួយចំនួន ឥតទាំង មានឈ្មោះ ក្នុងបញ្ជីជំនំជំរះផង។ បើគង់តែ មិនយុតិធម៎ ដដែល លែងគេ ហើយអត់ទោស ឱ្យគេ ហើយលើក ទោស ទាំងអស់ ថ្វាយទៅ ព្រះទៅ។ អ្នកសម្លាប់ រាប់ពាន់នាក់ សម្លាប់ខ្មែរ ទាំងនគរ ដល់ទៅជាប់គុក ជាប់តែអ្នក កំប៉ិកកំប៉ុក តែមា្នក់ ហើយជាគ្រិស្ទាន ជាកូនព្រះ ទៅទៀត គួរឱ្យឆ្ងល់ ហើយចម្លែក មែន។ ខ្ញុំមិនមែនចង់ និយាយ អំពី រឿង នយោបាយ ទេតែខ្ញុំចង់និយាយថា រឿងចម្លែកនេះ ប្រាកដជា ពាក់ពន្ធនិង ព្រះហឬទ៊យ ដែលយើង យល់មិនដល់ នោះវិញ។ ដូច្នេះ តើព្រះឬ ដែលត្រូវទទួល ការខុសត្រូវ ក្នុងរឿងវាលពិឃាដ នៅកម្ពុជា នេះឬ? ប្រាកដហើយ យ៉ាងហោចណាស់ ក៏ទ្រង់បានជា្រប គ្រប់ទាំងការ ដែលបាន កើតឡើង ក្នុងវាល ពិឃាដ នោះដែរ ។ បើព្រះទ្រង់ អនុញ្ញាតិ ឱ្យរឿងនោះកើតឡើង ដូចនៅប្រទេស អ៊ីស្រាអែលមែន នោះជា ការល្អទេ ព្រោះព្រះទ្រង់សុចរិត យុត្ដិធម៎ ការទ្រង់ធ្វើសុទ្ធតែល្អ ព្រះទ្រង់ទាញផលល្អ ចេញពី ការអាក្រក់។ ខ្ញុំបានរស់ក្នុង វាលពិឃាដ ៤ឆ្នាំ ១ខែ។ នៅស្រុកខ្មែរ ខ្ញុំបានឃើញការខ្លះ មានកើត តាំងតែ ពីមុន ឆ្នាំ១៩៧៥ ដូចជាមានចែងទុកក្នុង ព្រះគម្ពីរ លេវីវិន័យ២៦ នេះដែរ។ កាលពីខ្ញុំ នៅក្មេង នៅឡើយ ពេលឱពុកខ្ញុំ គាត់នាំចូល វិហារលោក ម្ដងៗ ខ្ញុំមានការ ព្រឺខ្លាច ព្រោះឃើញ រូបចម្លាក់ព្រះពុទ្ធ ជាច្រើន អង្គុយតាមថ្នាក់ មានធំមានតូច ដែលធ្វើ ឱ្យខ្ញុំ មានអារម្នណ៍ ខ្លាចរូបទាំងនោះណាស់ ខ្ញុំមិនដែល មាន បំណង ចង់ ចូលក្នុងវិហារនោះទេ។ ម្យ៉ាងទៀត នៅខ្ញុំដើរទៅសាលារៀន ខ្ញុំត្រូវដើរ កាត់មុខវត្ត ដែលជា កន្លែងកប់ និងដុតខ្មោច មិនតែប៉ុណ្ណោះ មានរូប អ្នកតា នៅក្នុងខ្ទមដែលមាន ផ្សែង ធូបហុយ ជាប់រហូត ដើរមកដល់កន្លែងនោះ ខ្ញុំតែងតែ មាន អារម្មណ៍ ព្រឺខ្លាច ជានិច្ច។ ខ្មែរយើង មាន រូបចម្លាក់ ជាច្រើនណាស់ ដែលយើង ឱនក្រាបថ្វាយបង្គំ យើងឥត ដែលបាន ថ្វាយបង្គំព្រះដ៏ពិតទេ។ ប្រហែលមិនខុស ពីពួក អ៊ីស្រាអែល ដែលព្រះ បានព្រមាន ក្នុងព្រះគម្ពីរ លេវីវិន័យ២៦ នេះដែរ លេវីវិន័យ២៦៖១-៣,

១មិនត្រូវឲ្យឯងរាល់គ្នាធ្វើរូបព្រះ ឬបញ្ឈររូបឆ្លាក់ ឬបង្គោលថ្ម សំរាប់គោរពឡើយ ក៏មិនត្រូវ ឲ្យមានថ្ម ឆ្លាក់ជារូបអ្វី នៅក្នុងស្រុកឯង ដើម្បី នឹងឱនខ្លួន ក្រាបគោរព ចំពោះរូបនោះដែរ ដ្បិតអញនេះ គឺយេហូវ៉ា ជាព្រះនៃឯងរាល់គ្នាហើយ ២ ត្រូវឲ្យឯង រាល់គ្នា រក្សាអស់ ទាំងពេល ឈប់សំរាក របស់អញ ហើយ កោតខ្លាច ដល់ទីបរិសុទ្ធ របស់អញ ដ្បិតអញជាព្រះយេហូវ៉ា។

ព្រះបន្ទូលនេះ ត្រឹមត្រូវណាស់ ទ្រង់ចង់ ពន្យល់ ឱ្យបានយល់ អំពីទ្រង់ដែលជាអ្នក បង្កើតមនុស្សមក តែ មនុស្ស មិនព្រម គោរពទ្រង់ ជាអ្នកបង្កើត ខ្លួនមកទេ តែបែរជា ទៅបង្កើត រូបព្រះ ដោយដៃឯង ដោយ ឆ្លាក់ក្ដី ដោយចាក់ ពុម្ពកី្ដ ជាឈើ, ជាថ្ម, ជាស៊ីម៉ង់, ជាមាស, ជាបា្រក់, ជាឆ្អឹង ហើយឱន ក្បាលខ្លួនថ្វាយ បង្គំ ទៅវិញ របស់ទាំងនោះ គឺខ្លួនតែបានឆ្នៃប្រឌិត ពីរបស់ ដែលព្រះបាន បង្កើតមក ដើម្បី ឱ្យមនុស្ស ត្រួតត្រា តើហេតុដូចម្ដេច បានជាមនុស្ស ចង់តែ ឱនក្រាបថា្វយបង្គំ របស់ដែលដៃខ្លួន បានបង្កើត ថាជាព្រះ ទៅវិញ ធ្វើយ៉ាងម៉េច ដើម្បីឱ្យរបស់ ដែល ខ្លួន បានបង្កើតឱ្យ ទៅជាព្រះ របស់ខ្លួនបាន? ព្រះបន្ទូល ដូចជា ស្រួល យល់ដែរ ប៉ុន្តែហេតុដូចម្ដេច បានជាមនុស្ស នៅតែថ្វាយបង្គំ រូបចម្លាក់ ហើយមិនមែន តឹ្រមតែ មនុស្ស ក្រីក្រ នៅចុងកាត់ មាត់ញក ដែលល្ងង់ខ្លៅនោះទេ ដែលធ្វើការនេះ សូម្បីតែអ្នក ដែលមានចំណេះ ចេះដឹង ជ្រៅជ្រះនិស្សិតបញ្ញវ័ន ឬ អ្នកដឹកនាំ ដែលឆ្លាត វាងវៃនោះ ក៏គេធ្វើការនេះ ដូចគ្នាដែរ គឺហើយគឺជា ប្រពៃណីយ៍ ឥតការពិចារណាទេ (នេះគឺជាល្បិចរបស់អារក្ស វាតែងតែនាំព្រះខុស មកជំនួស ចិត្ដមនុស្ស ដែលចង់តែ ថ្វាយបង្គំព្រះ មិនគួរឱ្យឆ្ងល់ទេ) ដូច្នេះហើយបានជា ទ្រង់ខ្ញាល់ខ្លាំងណាស់។ សូមអាន ព្រះគម្ពីរ តទៅទៀត នៅលេវីវិន័យ២៦៖១៤-២០ ១៤ តែបើឯងរាល់គ្នា មិនព្រមស្តាប់តាមអញ ហើយមិន ប្រព្រឹត្តតាមសេចក្តីបញ្ញត្តរបស់អញទាំងនេះ ១៥ ដោយមើលងាយដល់អស់ទាំងច្បាប់អញ ហើយ ខ្ពើម ក្រឹត្យក្រម របស់អញ ដល់ម៉្លេះបាន ជាមិន ព្រម ប្រព្រឹត្ត តាមអស់ទាំងសេចក្តីបង្គាប់នេះ គឺឯងផ្តាច់ សេចក្តី សញ្ញា របស់អញ ចេញវិញ ១៦ នោះអញ នឹងប្រព្រឹត្ត ចំពោះឯង រាល់គ្នាយ៉ាងដូច្នេះ គឺនឹង តម្រូវ សេចក្តី ស្ញែងខ្លាច មកលើ ឯងរាល់គ្នា ជាជំងឺរីងរៃ និងគ្រុនក្តៅ ដែលនឹង ធ្វើឲ្យ ភ្នែកកាន់ តែស្រវាំងទៅ ហើយនឹង នាំឲ្យមាន ចិត្តវេទនា ឯងរាល់គ្នា នឹងសាប ព្រោះ ជាការ ឥតប្រយោជន៍ ដ្បិតខ្មាំង សត្រូ វនឹងស៊ី ទាំងអស់ ទៅ ១៧ អញនឹង តាំងមុខទាស់ នឹងឯង រាល់គ្នា នោះឯង នឹងចាញ់ ពួកខ្មាំងសត្រូវ ពួកអ្នកដែលស្អប់ឯង គេនឹង ត្រួតត្រា លើឯង ហើយឯង នឹងរត់ ទៅ ឥតមានអ្នកណា ដេញតាមផង។ ១៨ បើឯង រាល់គ្នា នៅតែ មិនស្តាប់ តាមអញទៀត នោះអញ នឹងវាយ ផ្ចាល ៧ដងលើស ទៅទៀត ដោយព្រោះ អំពើបាប របស់ឯង ១៩ អញនឹង បំបាត់ សេចក្តីអំនួត ដែលឯងអួត ពីអំណាចខ្លួន ក៏នឹង ឲ្យមេឃ ដែលនៅពីលើឯង ប្រែទៅ ដូចជាដែក ហើយដី របស់ឯង ដូចជាលង្ហិន ២០នោះឯង រាល់គ្នា នឹងបង្អស់ កំឡាំងជាការ ឥតប្រយោជន៍ ដ្បិតដី របស់ឯង នឹងមិន បង្កើតផលទេ ហើយដើមឈើ ដែលនៅស្រុក ក៏មិនបានផ្លែផង។

ការនេះ ក៏បានឃើញកើត ខ្លះៗនៅក្នុង សង្គ្រាមស៊ីវិល ក្នុងឆ្នាំ ១៩៧០ ដល់១៩៧៥ ដែរ។ ការសាបព្រោះ ដំណាំដាំដុះ ស្រែចំការ ធ្វើទាំងភ័យ បារម្មណ៍ ព្រោះខ្លាចខ្មាំង។ នៅពេល ជិតបានផល សត្រូវម្ខាងទៀត មកវាយ ដណ្ដើម យកទៅបាត់។ ភូមិនិមួយៗ ស្ងាត់ជ្រងំ អ្នកភូមិមាន ទឹកមុខមាត់ ស្រងូតស្រងាត់ រស់ទាំង ព្រួយបារម្មណ៍ ជាពិសេស នៅពេលយប់ ជួនកាលឮស្នូរ កាំភ្លើង ត្រូវរត់ចូល ក្នុងរណ្ដៅ ពួនការពារ ទាំង យប់ ក៏មាន ជួនកាលត្រូវ ជំលៀស ចេញពីភូមិមួយរយៈ ក៏មាន ព្រោះខ្លាចខ្មាំង មកគៀចេញ។ បើយើង មើលព្រះគម្ពីរបន្ដរ ទៀត ការនោះ រឹត តែជាក់ស្ដែងឡើង លេវីវិន័យ២៦៖២៣-៣៣

២៣ បើឯងរាល់គ្នាមិនទាន់រាង ដោយព្រោះសេចក្តីទាំងនោះទេ គឺនៅតែដើរទទឹងនឹងអញ ២៤នោះអញ នឹងដើរទាស់ នឹងឯង រាល់គ្នាដែរ ហើយនឹង វាយផ្ចាល៧ដង លើសទៅទៀត ដោយព្រោះ អំពើបាប របស់ឯង ២៥អញនឹងនាំ ឲ្យមានដាវ ជាសេចក្តីសងសឹក នៃសញ្ញា មកលើឯង នោះឯងរាល់គ្នានឹងមូលគ្នា នៅក្នុងក្រុង របស់ឯង ទាំងប៉ុន្មាន ហើយអញ នឹងឲ្យ ជំងឺអាសន្នរោគ កើតឡើង នៅកណ្តាល ឯងរាល់គ្នា ទៀត រួចឯង នឹងត្រូវបញ្ជូន ទៅក្នុងកណ្តាប់ដៃ នៃពួកខ្មាំងសត្រូវ ២៦កាលណា អញបានផ្តាច់ ស្បៀង អាហារ ពីឯងរាល់គ្នា ចេញ នោះស្ត្រី១០នាក់ នឹងដុតនំបុ័ង ឲ្យឯងនៅក្នុងឡ តែ១ ហើយគេ នឹងថ្លឹង នំបុ័ង ឲ្យឯងបរិភោគ ឯងរាល់គ្នា នឹងបរិភោគ តែមិនចេះឆ្អែតឡើយ។

(ចំពោះបងប្អូន កូនក្មួយ ដែលអាយុតិចជាង៤០ឆ្នាំ ប្រហែលមិនបានដឹងការនេះ ច្បាស់លាស់ទេ នៅក្នុងកំឡុងសង្គ្រាមស៊ីវីល ពីឆ្នាំ១៩៧០ ដល់ ១៩៧៥ ) ជនភៀសខ្លួន ដោយសង្គ្រាម បានមកមូល គ្នានៅក្នុង ក្រុងនិមួយៗ ជាពិសេស គឺទីក្រុងភ្នំពេញ ប្រជ្រៀតគ្នា រស់នៅយ៉ាវេទនា ហើយការ ថ្វាយបង្គំ រូបព្រះ ក៏នៅតែ បន្ដទៅទៀត ឥតឈប់ឈរទេ រហូតមកដល់ ថ្ងៃទី១៧ មេសា ១៩៧៥ ជាថ្ងៃជ័យជំនះ ហៅថាថ្ងៃរំដោះ របស់ពួកខ្មែរ ក្រហម ។ ទាហានទាំងអស់ ត្រូវដាក់ អាវុធចុះ មន្រ្ដី ទាំងអស់ ត្រូវអស់ អំណាច នឹងដំណែង, សាលាទាំងអស់ ត្រូវបិទ, សង្ឃត្រូវសឹក, វត្ដត្រូវបិទ, ផ្សារត្រូវបិទ, ពលរដ្ឋទាំងអស់ ត្រូវជំលៀសចេញ, នាយទាហាន, មន្ដ្រី, គ្រូបង្រៀន, សាស្រ្ដាចារ្យ, និសិត្សបញ្ញវ័ន, អ្នកមុខអ្នកការ មួយ ចំនួន បានត្រូវខ្មាំង អញ្ជើញយកទៅ សម្លាប់ជាសម្ងាត់។ ស្បៀងអាហារ ដែលយក ទៅតាម នៅពេល ជំលៀស ក៏ត្រូវអស់ ភោគផលក៏ ឥតបានបង្កើត អង្គការខ្មែរខ្មាំង ក៏ចាប់បង្ខំឱ្យធ្វើការរួម ចាប់ផ្ដើម បើកការដ្ឋាន បាយរួម ក្នុង ឆ្នាំ១៩៧៦ ទៅតាមដំបន់។ មនុស្សត្រូវបង្ខំឱ្យធ្វើការ ដូចសត្វធាតុ ទាំងយប់ ទាំងថ្ងៃ (យប់ខ្លះធ្វើការរហូតដល់ម៉ោង ១១យប់ ពេលមានខែរះ) ធ្វើទាំងផ្គរ ទាំងភ្លៀង ធ្វើមិនទាន់ ផែនការណ៍ សម្លាប់ចោល។ ទទួល ទានមិនគ្រប់គ្រាន់ បាយមានរបប គឺគេវាល់ចែក មួយក្រុម១០នាក់ ជាញឹកញាប់ គឺទទួលទាន ជាមួយអំបិល ឬត្រកួន ស្ងោរ ទទួលទាន មិនចេះឆ្អែតឡើយ ម្ដេចក៏ដូចព្រះគម្ពីរ ថាអីម្លេះ? ទទួលទាន ដំណេកមិនគ្រប់គ្រាន់….ឥតមានកន្លែង ស្នាក់នៅ ស្រួលបួលទេ ជម្រក ត្រូវរើ ពីកន្លែងមួយ ទៅកន្លែងមួយទៀត តាមការ ចាត់តាំងរបស់ អង្ការ វេទនាឥតពាក្យ ថ្លែងបានឡើយ គ្រប់បែប យ៉ាងទាំងអស់…. តែអរគុណព្រះអង្គ អស្ចារ្យដែលជីវិត នេះមិនស្លាប់)។ លេវីវិន័យ២៦៖២៧-៣៣ ២៧

បើយ៉ាងដូច្នេះហើយ ឯងរាល់គ្នានៅតែមិនព្រមស្តាប់តាមអញ គឺនៅតែដើរទាស់ទទឹងនឹងអញតទៅទៀត ២៨ នោះអញនឹងដើរទាស់ទទឹងនឹងឯងរាល់គ្នា ដោយសេចក្តីក្រោធ ហើយនឹងវាយផ្ចាល ៧ដង លើស ទៅទៀត ដោយព្រោះអំពើបាបរបស់ឯង ២៩ ឯងរាល់គ្នានឹងបរិភោគទាំងកូនប្រុស កូនស្រីរបស់ឯងផង ៣០ អញនឹង បំផ្លាញអស់ ទាំងទីខ្ពស់ របស់ឯង ហើយនឹងគាស់ រំលំរូប ព្រះអាទិត្យរបស់ឯង ព្រមទាំង បោះខ្មោចឯង រាល់គ្នាទៅលើ រូបព្រះរបស់ឯង ទាំងនោះដែរ ហើយចិត្តអញ នឹងខ្ពើមឯងរាល់គ្នា ៣១ អញនឹង រំលាងអស់ ទាំងទីក្រុងឯង ហើយនឹងធ្វើឲ្យទីបរិសុទ្ធ របស់ឯង ទាំងប៉ុន្មាន ទៅជាសូន្យស្ងាត់ អញនឹង មិនព្រម ហិតក្លិន នៃគ្រឿងក្រអូប ឯងទៀតឡើយ ៣២អញនឹងនាំ ឲ្យស្រុកទៅជា ស្ងាត់ឈឹង ដល់ម៉្លេះ បានជាពួក ខ្មាំងសត្រូវ របស់ឯង ដែលនៅក្នុងស្រុក គេនឹងមានសេចក្តី ងឿងឆ្ងល់ ៣៣ឯឯង រាល់គ្នា អញនឹងកំចាត់ កំចាយ ឲ្យទៅនៅ គ្រប់ទាំងនគរ ហើយនឹង ហូតដាវទៅតាម ឯងទៀត នោះស្រុក ឯងនឹងនៅជា ស្ងាត់ឈឹង ហើយទីក្រុង របស់ឯង ទាំងប៉ុន្មាន នឹងត្រូវ លាញទៅ អស់រលីង។

(អត់ឃ្លាតពេក ហួសប្រមាណ លួចអង្ការស៊ីមិនបាន អ្នកខ្លះរហូត ដល់ទៅស៊ីកូន ខ្លួនឯង ទោះរស់ ឬស្លាប់ក្ដី ទោះត្រូវមាន ទោសក្ដី ការនេះគឺកើតមាន ដោយពិត បា្រកដ។ ទមិ្មលឥតសាសនានេះ ចាប់បំផ្លាញ រូបព្រះពុទ្ធ គេប្រើឱយ អ្នកថា្វយបង្គំ រូបព្រះ នេះពីដើម គាស់រំលំ សែងព្រះរបស់ខ្លួនយក ទៅធ្វើជាទំនប់ ទប់ទឹក ឬផ្លូវថ្នល់វិញ។ ចំណែកឯព្រះវិហារ គេយកធ្វើជា កន្លែងដាក់ទោសមនុស្ស ឬកន្លែង សម្លាប់មនុស្សវិញ។ តើអង្ការខ្មែរ កុម្មុយនិស នេះបានអាន ព្រះគម្ពីរឬ? បានជាធ្វើ ដូចព្រះគម្ពីរ ថា យ៉ាងនេះ ឬមួយក៏ព្រះ ……. អនុញ្ញាតិឱ្យគេមក ធ្វើការនេះ? ។ មើល! មិនទាំងបាន យូរប៉ុន្មានផង អង្ការ ទម្មិល នេះក៏រលត់ រលាយទៅវិញ នៅ ឆ្នាំ១៩៧៩។ មិនទាន់ទាំងរំដោះ មានសេរីភាព ពេញលេញ ស្រួលបួល ផង ខ្មែរក៏ ចាប់នាំគ្នា សង់រូបព្រះ ទៀតហើយៗ រឹតតែច្រើន លើសដើម ។ ព្រះទ្រង់បាន ព្រមាន រួចហើយថា បើមិនស្ដាប់អញទេ ទ្រង់នឹង វាយផ្ចាលទៀត ឱយខ្ចាត់ខ្ចាយ ទៅនៅ ស្រុកគេ ពេញទាំង ពិភពលោក ឥឡូវមែន ខ្មែរខ្ចាត់ខ្ចាយ ពេញ ពិភពលោក ដែល យើង គិតស្មានមិនដល់ កាលពីដើម អ្នកខ្លះចង់ចេញទៅ បរទេសនោះ ពិបាក ណាស់ ទោះតែ មានលុយហើយ ក៏ចេញមិនបានផង ព្រោះ ច្បាប់នោះ តឹងតែង ណាស់ ឥឡូវនេះ នៅពេលដែល ព្រះទ្រង់បើក ស្រួលបំផុត សូម្បីតែអ្នកក្រ ឥតមាន លុយសោះ ក៏បានទៅដល់ បរទេសដែរ ហើយមាន លុយចាយ ឡានជិះ ហ៊ឺហា ទៀតផង។ ប៉ុន្តែនោះ មិនមែន ជាព្រះហឬទ័យ របស់ព្រះទេ ព្រះហឬទ័យ គឺទ្រង់ចង់ ឱ្យខ្មែរមាន ឱកាសទទួលជឿ ហើយ ថ្វាយបង្គំទ្រង់ ហើយឈប់ ថា្វយរូបព្រះ ព្រោះរូប ដែលមនុស្សធ្វើ ដោយឆ្លាក់ ឬចាក់ពុម្ពក្ដី មិនមែន ជាព្រះទេ ហើយក៏មិនអាច ខ្លាយជា ព្រះបានដែរ។ ហេតុដូចម្ដេច បានជាពិបាក ពន្យល់ខ្មែរ ពីរឿងព្រះពិត នឹងរូបព្រះនេះម្លេះ? ប៉ុន្តែខ្ញុំ សូមឱនកាយ ថ្វាយបង្គំ ដោយអរព្រះគុណ ដល់បងប្អូនខ្មែរ មួយចំនួន និង ជាពិសេស បងប្អូន ដែលបានអាន អត្ថបទនេះ ទាំងជឿដល់ទ្រង់ ហើយយើង ជាបងប្អូន រួមជំនឿ ក្នុង ព្រះអង្គម្ចាស់ សូមឱ្យយើងបាន អធិស្ថាន ទូលអង្វរទ្រង់ ឱ្យទ្រង់បានអត់ទោស ដល់បងប្អូនខ្មែរយើង ដែលមិនទាន់បាន ជឿដល់ ទ្រង់ នៅ ឡើយ ហើយសូមព្រះជួយ ព្យាបាលមាតុភូមិយើង ហើយឱ្យ ពលរដ្ឋខ្មែរ បានជា រាស្រ្តរបស់ព្រះដ៏ពិត ព្រោះព្រះទ្រង់ បានស្រឡាញ់ខ្មែរ ហើយក៏លូក ព្រះហស្ថ ដ៏មានគ្រប់ ព្រះចេស្តារ ប្រទានពរ ស្រុកយើងទៀត។ សូមខ្មែរអ្នក មានជំនឿទៅ លើព្រះ អម្ចាស់ ព្រះយេស៊ូវគ្រិស្ទ ដែលជាព្រះ លើមនុស្ស និងលើរបស់ សព្វសារពើរ ទាំងអស់ សូមឱ្យ យើង បាន ស្រុះស្រួល ស្រឡាញ់គ្នា អត់ទោសគ្នា ហើយរួមអធិស្ឋា ជូនប្រទេសជាតិ និង អ្នកដឹកនាំប្រទេស ឱ្យ បានទទួលជឿ ហើយថ្វាយបង្គំព្រះដ៏ពិត។ បើបងប្អូន មានរឿង អ្វីខ្លះទៀត ដែលនៅសង្ស័យ ហើយ ដូចជាទាល់ច្រក ថាធ្វើ មិនបាន នោះចូឱ្យទុកចិត្តដល់ព្រះ ដូចជាទ្រង់មានព្រះបន្ទូល ដល់ពួក អ្នកដែល ទាល់ច្រក នៅសមុទ្រ ក្រហម គឺខ្មាំងដេញពីក្រោយ រត់ទៅមុខ ទើសនឹង សមុទ្រ គឺក្នុងសភាព ការ ចុះទឹក ក្រពើ ឡើងលើខ្លាហើយ ទ្រង់បានមានបន្ទូល ទៅកាន់ពួកនោះ ក្នុងព្រះគម្ពីរ និក្ខមនំ១៤៖១៣-១៤ ថា៖

កុំខ្លាចអី ឈប់សិន ចាំមើល សេចក្តីសង្គ្រោះ របស់ព្រះយេហូវ៉ា ដែលទ្រង់ នឹងប្រោស ដល់អ្នករាល់គ្នា នៅថ្ងៃនេះ ដ្បិតពួកសាសន៍អេស៊ីព្ទដែលអ្នករាល់គ្នាឃើញនៅថ្ងៃនេះ នោះនឹង លែងឃើញ ទៀតជា ដរាបទៅ ១៤ ព្រះយេហូវ៉ាទ្រង់នឹងច្បាំងជំនួសអ្នករាល់គ្នា ឯអ្នករាល់គ្នានឹងនៅតែស្ងៀមវិញ។

ដូច្នេះការអាក្រក់ ដែលកើតកន្លងមក បាននាំឱ្យមានការល្អ កើតចេញ ពីការនោះ គឺថា យ៉ាងហោចណាស់ ក៏មានខ្មែរ មួយចំនួនធំហើយ ដែលបាន ថ្វាយបង្គំ ព្រះដ៏ពិត បើប្រៀបធៀប ទៅនឹង២០ ឆ្នាំមុន ដោយ រួម ទាំងខ្ញុំ និងបងប្អូនផង។ ព្រះក៏ទ្រង់បានប្រទានពរ ដល់រាស្រ្តរបស់ទ្រង់ និងមាតុភូមិគេ ក៏សមល្មម លើស ពីពេល ណាទាំងអស់ ក្នុងប្រវត្តរបស់ កម្ពុជានេះ ជាពិសេស គឺមានខ្មែរ រាប់សែននាក់ ហើយ ដែលបាន ថ្វាយបង្គំទ្រង់ ដ៏ពិតនេះ សម្បត្តធម្មជាតិខ្មែរ ក៏រកឃើញកាន់ច្រើន ប្រទេសដទៃ ក៏រាប់អានយើង កាន់តែ ច្រើន កុំភ្លេច នៅថ្ងៃទី ១២ ខែ១២ ឆ្នាំ១២ នេះ ខែ្មរប្រហែល ជាឈប់ចាក់សាំង មកពីបរទេសហើយ ។ នេះគឺ ដោយសារ តែសេចក្ដីស្រឡាញ់ និងព្រះគុណ របស់ទ្រង់ហើយ សូមបងប្អូន បានប្រកប នឹងព្រះពរជានិច្ចនិរន្តរ៍។

Category:  Ministries

post new | clone this | rss feed | blog top »
Text feature this blog entry
Our Blog
Older
Newer
Top



Neil C. Stewart
When God Washes Feet

John 13
Sunday Service
Christ Covenant Church
Play! | MP3 | RSS


Hourly:
Holiness
Dr. Stewart Custer
Trinity Bible Church
Staff Picks..

Event: Aug 24-26, 2017
The Beauty and Glory of the Reformation

2017 Puritan Reformed Conference
Conference
Puritan Reformed Theological

Sermon: Eternity, Too Long To Be Wrong
Pastor Kent K. Kirchmeyer

SPONSOR | 4,400+

SPONSOR




                   
The first thing that faith does is to knock the brains of reason out. ... Martin Luther

Gospel of John
Cities | Local | Personal


MOBILE
iPhone + iPad
Church App
Android
Church App
Kindle + Nook
Chromecast TV
Apple TV
ROKU TV
Amazon Fire TV New!
Apple Watch
Android Wear
Kindle Reader


HELP
Knowledgebase
Broadcasters
Listeners
Q&A
Uploading Sermons
Uploading Videos
Webcasting
Tips & Tricks
YouTube Screencasts

FOLLOW
Weekly Newsletter
Staff Picks Feed
SA Newsroom
RSS | Twitter | Facebook
SERVICES | ALL
Church Finder | Info
MP3 Play & Download
Mobile Apps
Podcast | Video Support
Live Webcasting
Events Support
Transcription
PowerClips
Business Cards New!
SOLO | MINI | Domain
Favorites | QR Codes
Online Donations
24x7 Radio Stream
INTEGRATION
Embed Codes New!
Goodies
WordPress
Twitter
Facebook
Logos | e-Sword | BW
JSON API

BATCH
Transfer Agent
Protected Podcasts
Auto-Upload Sermons
Upload via FTP
Upload via Dropbox
Picasa
ABOUT US
The largest and most trusted library of audio sermons from conservative churches and ministries worldwide.

Our Services | Articles of Faith
Broadcast With Us
Advertising | Local Ads
CONTACT
info@sermonaudio.com
Support Us | Feedback Fridays | Stories