ទឹកជំនន់ធំលិចផែនដី

ក្រោយពីកាអ៊ីន បានសម្លាប់អេបិល ជាប្អូន ដោយការ ច្រណែនមក ព្រះក៏បាន បណ្តេញ គាត់ចេញ ឱ្យទៅនៅស្រុក មួយទៀត ឆ្ងាយពីគ្រួសារគាត់។ ក្រោយមក គាត់ក៏មានប្រពន្ធ ក៏បានបង្កើត ជាកូន ពូនជាចៅ កាន់ច្រើនឡើង ជាលំដាប់ ទន្ទឹមនឹងនេះ អំពើបាប កាប់សម្លាប់ សងសឹក ក្នុងជំនួរ ពូជពង្ស មនុស្ស ក៏កាន់តែ ចំរើនឡើង ឥតឈប់ឈរដែរ (លោកុប្បត្តិ ៤៖១៧-២៤) ដែលនាំឱ្យព្រះ ដ៏ជា ព្រះមានសេចក្តី ក្រោធខ្ញាល់ ជាខ្លាំង ដែលនាំឱ្យ ទ្រង់មាន គំរោងការ ចង់បំផ្លាញ លុបពូជមនុស្ស ចោលចេញ ពីផែនដី តើផែនការ របស់ទ្រង់នឹង ទៅជាយ៉ាងណា? សូមអាន ព្រះបន្ទូលនៅ គម្ពីរលោកុប្បត្តិ ៦៖១-៨ ដើម្បីឱ្យបាន យល់ពី ដំណើរនេះ

^១ កាល​ពួក​មនុស្ស​ចាប់​តាំង​មាន​គ្នា​ច្រើន​នៅ​លើ​ផែនដី​ឡើង ហើយ​បង្កើត​បាន​កូន​ស្រីៗ ^២ នោះ​ពួក​កូន​ប្រុស​របស់​ព្រះ គេ​ឃើញ​កូន​ស្រី​របស់​មនុស្ស​ថា​ជា​ស្រស់​ល្អ ក៏​យក​ធ្វើ​ជា​ប្រពន្ធ​តាម​តែ​ចិត្ត​គេ​ទៅ ^៣ ព្រះយេហូវ៉ា​ទ្រង់​មាន​ព្រះបន្ទូល​ថា វិញ្ញាណ​អញ​នឹង​មិន​តវ៉ា​នឹង​មនុស្ស​ជា​ដរាប​ទេ ពី​ព្រោះ​គេ​ជា​សាច់​ឈាម​ប៉ុណ្ណោះ អាយុ​គេ​នឹង​បាន​ត្រឹម​តែ​១២០​ឆ្នាំ​វិញ ^៤ នៅ​ជំនាន់​នោះ មាន​មនុស្ស​រូប​ធំ​សំបើម​នៅ​ផែនដី ក្រោយ​នោះ​មក កាល​ពួក​កូន​ប្រុស​របស់​ព្រះ​បាន​ចូល​ទៅ​ឯ​កូន​ស្រី​របស់​មនុស្ស ហើយ​នាង​ទាំង​នោះ​បាន​បង្កើត​កូន​ឲ្យ​គេ នោះ​បាន​ជា​មនុស្ស​ខ្លាំង​ពូកែ​ដែល​រស់​នៅ​កាល​ពី​ដើម ជា​មនុស្ស​មាន​ល្បី​ឈ្មោះ។ ^៥ ព្រះយេហូវ៉ា​ទ្រង់​ឃើញ​ថា ការ​អាក្រក់​របស់​មនុស្ស​បាន​ចំរើន​ជា​ច្រើន​ឡើង​នៅ​ផែនដី ហើយ​អស់​ទាំង​គំនិត​ក្នុង​ចិត្ត​គេ​ក៏​សុទ្ធ​តែ​អាក្រក់​ជានិច្ច​ដូច្នោះ ^៦ នោះ​ព្រះយេហូវ៉ា ​ទ្រង់​ស្តាយ ដោយ​បាន​បង្កើត​មនុស្ស​មក​នៅ​លើ​ផែនដី ហើយ​ទ្រង់​មាន​ព្រះហឫទ័យ​ព្រួយ ^៧ រួច​ព្រះយេហូវ៉ា​ទ្រង់​មាន​ព្រះបន្ទូល​ថា អញ​នឹង​លុប​មនុស្ស​ដែល​អញ​បាន​បង្កើត​មក​ឲ្យ​សូន្យ​បាត់​ពី​ផែនដី​ចេញ ចាប់​តាំង​ពី​មនុស្ស​រហូត​ដល់​សត្វ​ជើង​៤ សត្វ​លូន​វារ និង​សត្វ​ហើរ​លើ​អាកាស​ផង ដ្បិត​អញ​ស្តាយ​ដែល​អញ​បាន​បង្កើត​គេ​មក ^៨ ប៉ុន្តែ ណូអេបាន​ប្រកប​ដោយ​ព្រះគុណ​នៅ​ចំពោះ​ព្រះយេហូវ៉ា​វិញ។

នៅពេល ដែលយើងឮ ព្រះបន្ទូលនេះភ្លាម មានពាក្យមួយ គឺពាក្យថា "ពួកកូនប្រុសរបស់ព្រះ" នៅខ២ បានបង្កើតជាសំនួរ មួយសួរថា តើកូនរបស់ព្រះនេះជាអ្នកណាគេ? ជាកូនព្រះ មកពីស្ថានសួគ៍ មែនឬទេ? ចម្លើយ ដាច់ខាតថា មិនមែនទេ ព្រោះព្រះ នៅស្ថានសួគ៍ ទ្រង់មាន ព្រះរាជ បុត្រា តែមួយគត់ គឺ ព្រះយេស៊ូវ គ្រិស្ទ ហើយទ្រង់ក៏មិនធ្វើ ផ្តេសផ្តាសដូច្នេះដែរ? បើយើងពិនិត្យ ឱ្យបានច្បាស់ នៅជំពូក៤៖១៧-២៥ បាននិយាយ យ៉ាងច្បាស់ អំពី ត្រកូល ពីរ ដែលចេញពីពូជ អ័ដាមមក គឺត្រកូលរបស់ កាអ៊ីន ដែលព្រះទ្រង់បាន ដេញចេញឱ្យទៅនៅ ដាច់ឆ្ងាយ ពីស្រុកភូមិ ព្រោះគាត់ជាមនុស្ស បានធ្វើបាប ហើយ ដំណរ កូនចៅគាត់ក៏ ប្រព្រឹត្ត អំពើបាប កាន់តែច្រើនឡើង តៗគ្នាមក កូនស្រីៗ ដែលចេញ ពីត្រកូល នេះឯងដែលហៅថា ពួកកូនមនុស្ស។

ចំណែកឯ សេត ដែលព្រះ បានប្រទាន ឱ្យអ័ដាម ដើម្បីជំនួស អេបិល ដែលកាអ៊ីន បាន សម្លាប់ ចោល ទៅហើយនោះ ហើយក៏ជាមនុស្ស ដែលទ្រង់សព្វ ព្រះហឬទ័យផង។ ត្រកូល សេត នេះឯង ដែលជា ត្រកូល មួយចេះ អំពាវនាវ ដល់ព្រះ គឺពួក កូនប្រុសៗ នៃត្រកូលនេះឯង ដែលហៅថា ពួកកូនប្រុស របស់ ព្រះនោះ ដោយព្រោះ តែកូន ប្រុសៗ នៃត្រកូល សេត ដែល ស្គាល់ព្រះ បានចូលទៅ យកកូនស្រីៗ របស់ ត្រកូល កាអ៊ីន ធ្វើជាប្រពន្ធ ដែល ជាមនុស្ស ធ្វើ បាប ដែលនាំឱ្យ គេទាំងអស់គ្នា ប្រព្រឹត្ត អំពើបាប នោះ កាន់តែ ចម្រើនឡើង ដូច្នេះឯង ដែល នាំឱ្យព្រះ ទ្រង់ក្រោធ ខ្ញាល់ ខកព្រះហឬទ័យ ជាខ្លាំង ដោយព្រោះ ត្រកូល សេត ឥឡូវ ក៏ ប្រព្រឹត្ត អំពើបាប ដែរហើយ។ ទ្រង់ជាព្រះ ដ៏សុចរិត ទ្រង់ចង់កំចាត់ អំពើបាបចោល ដោយបំផ្លាញ មនុស្ស ឱ្យបាត់សូន្យ ពីផែនដីទៅ ដោយធ្វើឱ្យ ទឹកជន់លិចផែនដី តែដោយ ទ្រង់យល់ ដល់មនុស្សមា្នក់ ដែលប្រកប ដោយព្រះគុណ គឺលោក ណូអេ ដូច្នេះហើយ បានជា ទ្រង់សំចៃ គ្រួរសារ លោកណូអេ ដោយប្រាប់ ឱ្យគាត់សង់ទូក ធំមួយ សំរាប់ការពារ គ្រួសារ គាត់ នឹងសត្វ ស្រុក ព្រៃ មួយចំនួន ទៀតតាម ព្រះហឬទ័យទ្រង់ ដូចជាមានចែងទុក ក្នុងគម្ពីរ លោកុប្បត្តិ ជំពូក៦ ដដែល ពីខ៩ ដល់ខ២២ (ដើម្បីអាន ព្រះគម្ពីរ ខ្មែរយូនិខូដ សូមចូលទៅ www.Cambodianchristian.com click BIBLE tape on top of the page, and click Bible name on your left then click chapter number on top of the page, and also you can listen to Khmer Gospel music on this website)។

សូមពិនិត្យ មើលព្រះបន្ទូល ក្នុងខ៨ ៨ ប៉ុន្តែ ណូអេបាន ​ប្រកប​ដោយ ​ព្រះគុណ​នៅ ​ចំពោះ​ព្រះយេហូវ៉ា​វិញ។ ពាក្យគន្លិះដែល ថា ប្រកប​ដោយ​ព្រះគុណ បានត្រូវប្តូរ ផែនការ របស់ព្រះ គឺព្រះត្រូវសំចៃ ការពារ ជីវិតមនុស្ស ដែលប្រកប ដោយព្រះគុណ។ តើពាក្យ នេះមានន័យ ថាដូចម្តេចដែរ? តើលោកណូអេ ជាមនុស្សសុចរិត ឥតមាន ធ្វើបាប សោះឬ? ថាមិនមែនទេ ព្រោះព្រះបន្ទូល បានចែងថា មនុស្សគ្រប់គ្នា បានធ្វើបាប តែមនុស្សខ្លះ ព្រះអាចរាប់ ជាសុចរិតបាន ដោយជំនឿ តាមព្រះសព្វព្រះទ័យ។ ដូច្នេះចូរពិនិត្យ មើល សកម្មភាព នឹងលក្ខណៈ របស់លោកណូអេ ក្នុងអត្ថបទ ព្រះគម្ពីរបន្ត ទៅទៀត ទើបយើង យល់ ច្បាស់ ពីពាក្យថា ណូអេ ប្រកបដោយ ព្រះគុណនេះ៖

១. គឺលោក មានជំនឿ ចេះអំពាវនាវ អធិស្ឋាន ដល់ព្រះ (គាត់ជាពូជត្រកូល សេត ជាត្រកូល ជឿ កោតខ្លាចដល់ព្រះ, ក្នុងជំពូក ៤៖២៦)។

២. ជឿ ទុកចិត្ត ស្តាប់បង្គាប់ ហើយធ្វើតាម។ នៅពេលដែល ព្រះទ្រង់មាន បន្ទូលប្រាប់ គាត់ ឱ្យធ្វើទូកដ៏ធំមួយ នៅលើគោក ហើយ មិនដែល ឃើញមានភ្លៀង ធ្លាក់សោះ តែលោក ណូអេ នៅតែធ្វើទូក តាមព្រះបន្ទូល ដោយឥតប្រកែក ឬឥតមានសំណួរ អ្វីសោះ នេះគឺជឿទុកចិត្ត គោរព ហើយ ស្ដាប់បង្គាប់។

៣. គាត់ចេះណែនាំ ក្រុមគ្រួសារ ឱ្យជឿហើយជួយ ធ្វើទូករហូត បានហើយ រួចរាល់។

៤. គាត់មាន ការអត់ធ្មត់ ស៊ូទ្រាំនឹងការ សង់ទូកដ៏ធំនេះ ព្រោះមានការ លំបាក ជាច្រើន ហើយ ចំណាយពេល ក៏យូរណាស់ផង។

៥. ការអត់ធ្មត់ ស៊ូទ្រាំ មួយទៀត គឺអ្នកស្រុក ច្បាស់ជាគេសើច ចំអក ឡកឡឺយ ឱ្យគាត់ ដែលសង់ទូក យ៉ាងធំ លើគោក ឥតមានទឹកសោះ។ គំនិតមនុស្ស មិនអាច យល់ដល់ ការនេះ ទាល់តែសោះ ហើយលោក ណូអេក៏ដូចគ្នា ដែលគាត់សង់ទូក ដ៏ធំ នេះ មិនមែន ដោយសារ គាត់យល់ ទើបសង់នោះទេ តែដោយសារ តែគាត់ជឿ ទៅលើ ព្រះប៉ុណ្ណោះ។

ជាច្រើនឆ្នាំក្រោយមក (ប្រហែលជាហាសិបឆ្នាំ បើតាមការប៉ាន់ស្មាន, ព្រោះណូអេ បានបង្កើតកូន ទាំង៣នៅអាយុ ៥០០ឆ្នាំ ក្នុង ៥៖៣២ រហូតដល់កូនមាន ប្រពន្ធអស់ ទើប ព្រះមក បង្គាប់ឱ្យសង់ទូក យើងគិតថាប្រហែល ៥០ឆ្នាំមកទៀត រហូតដល់ ទឹកជំនន់ ពេលលោកណូអេ មានអាយុ ៦០០ឆ្នាំ ក្នុង ៧៖៦) ទូកក៏បាន សង់ហើយជាស្រេច ព្រះក៏មានបន្ទូលប្រាប់ ណូអេ ក្នុងជំពូក៧៖១-៥ ថា៖ ១ ព្រះយេហូវ៉ា​ទ្រង់​មាន​ ព្រះបន្ទូល​ទៅ​ណូអេ​ថា ត្រូវ​ឲ្យ​ឯង និង​ពួក​គ្រួ​ឯង ​ចូល​ទាំង​អស់ ​ទៅ​ក្នុង​ទូក ពី​ព្រោះ​ក្នុង​ពួក​មនុស្ស​ជាន់​នេះ អញ​ឃើញ​ មាន​តែ​ឯង​ទេ ដែល​សុចរិត ​នៅ​ចំពោះ​អញ ២ ខាង​ឯ​សត្វ​ជើង​៤​ដែល​ស្អាត នោះ​ឯង​ត្រូវ​យក​៧​គូ ហើយ​សត្វ​ជើង​៤​មិន​ស្អាត នោះ​ឲ្យ​យក​តែ​១​គូ​វិញ គឺ​ទាំង​ឈ្មោល ​ទាំង​ញី​ផង ៣ ឯ​សត្វ​ហើរ​លើ​អាកាស នោះ​ត្រូវ​យក​៧​គូ​ដែរ ព្រម​ទាំង​ឈ្មោល​ ទាំង​ញី ដើម្បី​ទុក​ពូជ​វា​ឲ្យ​រស់​នៅ​គ្រប់​លើ​ផែនដី ៤ ដ្បិត​នៅ​៧​ថ្ងៃ​ទៀត អញ​នឹង​បង្អុរ​ភ្លៀង​មក​លើ​ផែនដី​៤០​ថ្ងៃ​៤០​យប់ ហើយ​អញ​នឹង​លុប​គ្រប់​ទាំង​ជីវិត​ដែល​អញ​បាន​បង្កើត​មក ឲ្យ​សូន្យ​បាត់​ពី​ផែនដី​ចេញ ៥ នោះ​ណូអេ​ក៏​ធ្វើ​សំរេច​តាម​គ្រប់​ទាំង​សេចក្តី​ដែល​ព្រះយេហូវ៉ា​បាន​បង្គាប់​មក។

នៅពេលនេះ យើងចង់នាំ អារម្មណ៍យើង បង្កើតជា ទិដ្ឋភាពមួយ នៅជុំវិញទូក លោកណូអេ ។ នៅពេល ដែល លោកណូអេ និងកូន កំពុងតែនាំសត្វ គ្រប់មុខ ចូលទៅក្នុងទូក តាមប្រភេទ របស់វា បើតាម ការស្មាន របស់យើង ដំរីធំៗ នៅជួរ ខាងមុខ ដើរចូលទៅ បាតទូកមុនគេ ព្រោះវាធំ បន្ទាប់មកមាន គោ ក្របី សេះ និងសត្វ ជាច្រើនដទៃទៀត រាប់មិនអស់ ដើរចុះទូក បន្តរបន្ទាប់គ្នា។ ចំណែក ឯសកម្មភាព របស់អ្នកស្រុក ក៏ប្រព្រឹត្តទៅ ជាធម្មតា អ្នកខ្លះ គេកំពុង រៀបការ កូនចៅទៅ ក្រុមខ្លះទៀត ក៏ផឹកស៊ី រាំរែកកំសាន្តទៅ អ្នកខ្លះទៀត ក៏ប្រកប មុខរបរ រកស៊ីជា ធម្មតាទៅ គេដូចជា គ្មាន ភ្ញាក់ផ្អើល ឬ ខ្វល់ខ្វាយ អ្វី នឹងទូករបស់ លោកណូអេ នឹងសកម្មភាព របស់គ្រួសារ គាត់ទេ ព្រោះគេ បានឃើញ តែ រាល់ថ្ងៃ មកជាយូរឆ្នាំហើយ គេលែងយកចិត្ត ទុកដាក់នឹងគាត់ និងគ្រួសារគាត់ ទៀតហើយ។

នៅពេលទូក បានរៀបចំ ជាស្រេចហើយ គ្រួសារលោក ណូអេ នឹងសត្វទាំងអស់ ដែលបំរុង ទុក បានចូលក្នុងទូក ស្រេចហើយ នោះព្រះក៏បិទទ្វារទូកជិត (ក្នុង្៧៖១៦ ) ភ្លៀងក៏ចាប់ធ្លាក់ ធ្លាក់ ឥតឈប់ឈរ សោះ ទឺកក៏ចាប់ ជនឡើង មនុស្សម្នា ចាប់ភ័យ ស្លន់ស្លោរ ខ្លះរត់ ឡើងដំបូលផ្ទះ ខ្លះរត់ទៅតោង ទូកណូអេ ទាំងគោះ យំសោកស្តាយ ទូកបើក មិនបាន ទេ ព្រោះព្រះទ្រង់ បានបិទហើយ (ក្នុង ៧៖១៦ ព្រះទ្រង់ បានបិតទ្វារ មិនមែន លោកណូអេទេ) ខ្លះរត់ទៅ ឡើងដើមឈើ ទាំងស្រែកហៅ កូនចៅ ខ្លះទៀតខំ ស្រវា តោង របស់ដែលអណ្តែត មា្នក់ៗគេ ខំស្វះស្វែង រកគ្រប់ មធ្យោបាយ ដើម្បីរស់ ប៉ុន្តែគួរឱ្យស្តាយ គ្មាន មធ្យោបាយ ណា មួយរបស់មនុស្ស បានជួយគេឱ្យរស់ សោះឡើយ។ ទឹកលិចក៏កាន់តែ ខ្ពស់ឡើងៗ សម្លេង មនុស្សស្រែក នឹងសត្វយំ ក៏កាន់ស្ងាត់ទៅៗ ជាលំដាប់ នៅក្នុង្៧៖១២-២៥។ ភ្លៀងបាន ធ្លាក់ បន្តទៀត អស់រយៈពេល ៤០យប់ ៤០ថ្ងៃ ទឹកបានឡើងលិចភ្នំ ទាំងអស់ ហើយទឹក នោះ ក៏នៅ ទ្រឹង ចំនួន ១៥០ថ្ងៃទៀត សត្វហើរ លើអាកាស ក៏ឥតកន្លែងទំ នឹងអត់ទាំងចំណីផង ទោះតែ មនុស្ស មានក្បូនតោង ក៏មិនអាចរស់បាន ដោយអត់អាហារ ១៥០ថ្ងៃបានដែរ។ ដូច្នេះជីវិត នៅ ក្រោមមេឃ លើទឹកទាំងអស់ ត្រូវ ស្លាប់ គ្មានសល់ លើកលែង តែជីវិតនៅក្នុងទូក ប៉ុណ្ណោះ ដែល អាចរស់បាន គឺដោយសារ លោកណូអេ ដែលជាអ្នក មានជំនឿ ហើយស្តាប់ បង្គាប់ ធ្វើតាម ព្រះ នេះគឺជាផ្លូវ តែមួយគត់ ដើម្បីរស់ តាម ព្រះ ហឬទ័យ របស់ព្រះ មានន័យថា លោក ណូអេ និងគ្រួសារ បានសង្គ្រោះ ដោយសារជំនឿ ទៅលើព្រះ ហើយជំនឿនោះ គឺការធ្វើតាម ព្រះបន្ទូល ដែលបាន ប្រាប់គាត់ នេះហើយដែលហៅថា មនុស្សដែល ប្រកប ដោយព្រះគុណ។

ចូរយើង ពិចារណា ពិភាក្សាបន្តិចថា៖

១. ប្រសិនបើ លោកណូអេ ជើឿព្រះហើយ តែគាត់ មិនបាន ធ្វើទូកទេ នោះពាក្យ ថាជឿនោះ អស់ន័យ រលីង បានសេចក្តីថា លោកណូអេ ជឿតែមាត់ គ្មានអ្វីជា ភក្តុតាង សំរាប់សេចក្តី ជំនឿ របស់គាត់ទេ។ ពេលទឹកជំនន់មកដល់ នោះគាត់ក៏ត្រូវស្លាប់ដែរ។

២. មានតែលោកណូអេ មា្នក់ដែលសុចរិត ចំពោះព្រះ តែដោយប្រពន្ធ, កូន និងកូនប្រសារបាន ជឿ ហើយចូលរួមសង់ទូក ទាល់តែរួច ហើយព្រមព្រាងគ្នា ចូលទៅក្នុងទូក តាមព្រះបន្ទូលបាន ប្រាប់ ហើយ ទីបញ្ចប់ ក៏បានសង្គ្រោះ ទាំងអស់គ្នា ដោយសារជំនឿ។ ចុះប្រសិនជា មានអ្នកជិត ខាងណាម្នាក់ បានជឿ ពាក្យ លោកណូអេបា្រប់ ហើយបានចូលរួមជួយសង់ទូក ហើយសុខចិត្ត ចូល ទៅក្នុងទូកជាមួយ គ្រួសារ លោកណូអេ តើអ្នកនោះ បានសង្គ្រោះ ពីទឹកជំនន់ ឬទេ? ប្រាកដ ច្បាស់ណាស់ គឺបា្រកដជារស់ ព្រោះ ជីវិត ក្នុងទូក ទាំងអស់ បានសង្គ្រោះ ពីទឹកជំនន់។ ដោយហេតុនេះ ហើយ បានជាទ្រង់ សម្លាប់មនុស្ស ដោយទឹកជំនន់ មិនមែន ដោយព្រះហស្ថ ទ្រង់ទេ គឺ ព្រោះ ទ្រង់ចង់ សង្គ្រោះ អស់មនុស្សណា ដែលជឿ ហើយស្តាប់បង្គាប់ ធ្វើតាម​ ទ្រង់។ ដូច្នេះលោក ណូអេ និងគ្រួសារ បានធ្វើទូក ជាប្រដាប់ ឬជា មធ្យោបាយ សង្គ្រោះ ពីមហន្តរាយ ដោយសារ ជឿទៅលើព្រះ ហើយធ្វើតាម។

តាមរយៈមេរៀននេះ តើបងប្អូន បានសង់ទូក ជាប្រដាប់សង្រ្គោះ របស់បងប្អូនហើយឬនៅ?

ស្រដៀងគ្នានឹង រឿងសង់ទូក ដើម្បីឱ្យរួច ពីទឹកជំនន់ ដែរ នៅសម័យនេះ គឺព្រះគម្ពីរបានប្រាប់ មនុស្ស យ៉ាង ច្បាស់ថា

១. ព្រះទ្រង់ នឹងយាង ត្រឡប់មកវិញ ដើម្បីជំនុំជំរះ មនុស្សមានបាប នឹងបំផ្លាញ ដោយបោះ ចូល ទៅក្នុងបឹងភ្លើង ដ៏ក្ដៅ អស់កល្ប មហន្ដរាយនេះ លើសពីទឹកជំនន់ ទៅទៀត ព្រោះវាជា ផ្នែកព្រលឹង វិញ្ញាណ ហើយនឹង បន្ត ទៅអស់កល្ប ជានិច្ចផង។

២. លើកនេះ ព្រះទ្រង់ មិនបាន ឱ្យមនុស្ស សង់ទូកឈើ ដើម្បីសង្គ្រោះ ខ្លួនទេ ព្រោះទូក មិនអាច អណ្ដែត លើបឹងភ្លើង បានឡើយ គឺទ្រង់បានឱ្យ មនុស្សសង់ សេចក្តីជំនឿ ឱ្យមុតមាំ ទៅលើ ព្រះអង្គ ម្ចាស់ ព្រះយេស៊ូវគ្រីស្ទ ដែលទ្រង់អាច លើកយើង ឡើងទៅ សា្ថនសួគ៍ ឱ្យផុតពី គ្រោះថ្នាក់ នៅក្នុងបឹងភ្លើងនេះ។

៣. អ្នកដែលឈរ ក្រពាត់ដៃ សើចចំអក, អ្នកដែលទុកចិត្តលើ ព្រះដទៃ, ត្រូវបោះចូលក្នុង បឹងភ្លើង តើគួរជឿដែរ ឬទេ? ព្រះទ្រង់ បានមាន បន្ទូលរួច ហើយ ដូចបានប្រាប់លោក ណូអេ ដែរ។

ដោយសារ លោកណូអរ តែម្នាក់ដែល ប្រកបដោយ ព្រះគុណ បានធ្វើឱ្យ គ្រួសារលោក បានសង្គ្រោះ រួចពីសា្លប់ជា មួយគាត់ នៅពេលនោះ មិនតែ ប៉ុណ្ណោះ ពូជមនុស្ស បានរស់បន្ត រហូតមកដល់សព្វថ្ងៃនេះ ក៏ដោយសារ ការនោះឯង។ ដូច្នេះការ ប្រកប ដោយព្រះគុណ នៅចំពោះព្រះ នោះសំខាន់ខ្លាំងណាស់ គឺការនេះឯង ដែលបានធ្វើ ឱ្យមនុស្សបានរស់។ សព្វថ្ងៃនេះ ក៏យើងត្រូវតែ ប្រកបដោយព្រះគុណដែរ គឺយើងត្រូវ ជឿទុកចិត្តលើ ព្រះយេស៊ូវគ្រិស្ទ ទើបជីវិត យើងម្នាក់ៗ បានរស់ ហើយរស់ រៀងរហូតទៅ ព្រោះមនុស្សមា្នក់ៗ នឹងប្រឈមនូវ មហន្តរាយ ពីរនៅខាងមុខ គឺសេចក្តី ស្លាប់ទី១ និងទី២។ សេចក្តីស្លាប់ទី១ គឺស្លាប់ខាងសាច់ឈាម គឹព្រលឹងត្រូវដាច់ចេញពី រូបកាយ អស់អ្នកណាបានជឿ ទុកចិត្តដល់ព្រះយេស៊ូវគ្រិស្ទ នោះទ្រង់នឹងទទួល ព្រលឹងយើង ទៅកន្លែង ដែលសុខសាន្ត។ សេចក្តីស្លាប់ទី២ គឺគ្រប់ទាំងព្រលឹង នឹង ត្រូវ កាត់ទោស នៅថ្ងៃចុងបំផុត ព្រលឹងណា ដែលមិនបាន ទទួលជឿ ដល់ព្រះយេស៊ុវ គ្រិស្ទទេ នោះនឹងត្រូវ កាត់ទោស បោះចូល ទៅក្នុងបឹងភ្លើង ដ៏ក្ដៅអស់កល្ប ជានិច្ច។

កំណត់សំគាល់៖