អំពើបាបរបស់មនុស្ស

ភាគទី៣

តើមានមធ្យោបាយណា អាចជួយឱ្យបានរួចពីបាប ឬ រួចពីសេចក្តីស្លាប់ បានទេ?

ដូចយើងបានឮ ជាបន្តបន្ទាប់ថា ក្រោយពីមនុស្សបានធ្វើបាបហើយ មនុស្សឥតបាន លន់តួ សុំទោស បាបរបស់ខ្លួន ចំពោះព្រះទេ ផ្ទុយទៅវិញ គេនាំគ្នារត់ពួន គេចពីព្រះ ឬតវ៉ា ឬបែរជា បន្ទោសគេ ដទៃវិញ ហើយបន្ត អំពើបាបរបស់ខ្លួន តទៅទៀត។ ដូច្នេះ មនុស្សម្នាក់ៗ ត្រូវលន់តួ ទោសបាប របស់ខ្លួន ដល់ ព្រះជាម្ចាស់ គឺព្រះនាមព្រះយេស៊ូវ គ្រិស្ទ នោះព្រលឹង អ្នកនោះ នឹងត្រូវបានអត់ទោស ហើយទ្រង់ នឹង ទទួលព្រលឹងនោះជាកូនទ្រង់ផង។ គម្ពីរ យ៉ូហាន 1៖ 11-13

១១ ទ្រង់​បាន​យាង​មក​គង់​នៅ​ផែនដី​របស់​ទ្រង់ តែ​រាស្ត្រ​ទ្រង់​មិន​បាន​ទទួល​ទ្រង់​សោះ ១២ ប៉ុន្តែ​អស់​អ្នក​ណា​ដែល​ទទួល​ទ្រង់ គឺ​អស់​អ្នក​ដែល​ជឿ​ដល់​ព្រះនាម​ទ្រង់ នោះ​ទ្រង់​បាន​ប្រទាន​អំណាច ឲ្យ​បាន​ត្រឡប់​ជា​កូន​ព្រះ ១៣ គឺ​ជា​កូន​ដែល​មិន​មែន​កើត​មក​ពី​ឈាម ឬ​តាម​ប្រាថ្នា​ខាង​រូប​សាច់ ឬ​តាម​ចំណង់​នៃ​មនុស្ស​ឡើយ គឺ​កើត​មក​អំពី​ព្រះ​វិញ។

ដូចជាយើងបានឮ ព្រះបន្ទូល អំបាញ់មេញ គឺព្រះយេស៊ូវ ដែលជាព្រះនេះឯង ដែលចុះ ពីស្ថានសួគ៌មក ដើម្បីឱ្យអស់អ្នកណា ដែលទទួលជឿទ្រង់ នោះទ្រង់នឹង ទទួលជាកូនទ្រង់ ដូច្នេះឯង បានជា ទ្រង់បាន បង្កើតមនុស្សមក ឱ្យដូចជាអង្គទ្រង់ នេះហើយជាព្រះហឬទ៍យ ទ្រង់ គឺកូនខាង ឯវិញ្ញាណ មិនមែន ខាងសាច់ឈាមទេ ព្រោះសាច់ឈាម វាត្រូវស្លាប់ ទៅជា ដីវិញ ព្រោះវាជារបស់ ត្រូវបណ្តាសារ.

ប៉ុន្តែចំណែកឯ សាច់ឈាមវិញនោះ គ្មានផ្លូវណាអាចជួយបានទេ ព្រោះ ពិសពុល របស់ផ្លែ ដឹងខុសត្រូវ មានឥទ្ធិពលចូលក្នុងសាច់ឈាម និងសរិរាង្គកាយ របស់មនុស្ស ហើយក៏ ឆ្លង តកូន តចៅ រហូតមក គឺវា ត្រូវតែស្លាប់ ព្រោះវាកើតពីដី ដែលត្រូវបណ្តាសារ ដូច្នោះ វាត្រូវ តែត្រឡប់ ទៅជាដីវិញ ហើយទ្រង់ក៏ សព្វព្រះហឬទ័យ នឹងត្រូវ ផ្លាស់ប្តូរ រួបកាយនេះជាថ្មីវិញ ជារូបកាយ ដែលមិនពុករលួយ ដើម្បីទៅ គ្រងមរតក នៅស្ថានសួគ៌។ ឥឡូវនេះជាឱកាស ល្អ បំផុតសំរាប់មនុស្សម្នាក់ៗ ទទួលជឿ ដល់ ព្រះយេស៊ូវគ្រិស្ទ ដោយមិនទាន់ហួសពេល នៅ ឡើយ ។ ក្នុងព្រះគម្ពីរ យ៉ូហាន 3៖16-18 បានចែងថា៖

១៦ ដ្បិត​ព្រះ​ទ្រង់​ស្រឡាញ់​មនុស្ស​លោក ដល់​ម៉្លេះ​បាន​ជា​ទ្រង់​ប្រទាន​ព្រះរាជបុត្រា​ទ្រង់​តែ​១ ដើម្បី​ឲ្យ​អ្នក​ណា​ដែល​ជឿ​ដល់​ព្រះរាជបុត្រា​នោះ មិន​ត្រូវ​វិនាស​ឡើយ គឺ​ឲ្យ​មាន​ជីវិត​អស់​កល្ប​ជានិច្ច​វិញ ១៧ ពី​ព្រោះ​ព្រះ​ទ្រង់​មិន​បាន​ចាត់​ព្រះរាជបុត្រា​ទ្រង់ ឲ្យ​មក​ក្នុង​លោកីយ៍ ដើម្បី​នឹង​ជំនុំជំរះ​លោកីយ៍​នោះ​ទេ គឺ​ឲ្យ​លោកីយ៍​បាន​សង្គ្រោះ ដោយសារ​ទ្រង់​វិញ ១៨ ឯ​អ្នក​ណា​ដែល​ជឿ​ដល់​ទ្រង់ នោះ​មិន​ជាប់​មាន​ទោស​ទេ តែ​អ្នក​ណា​ដែល​មិន​ជឿ​វិញ នោះ​ត្រូវ​មាន​ទោស​ហើយ ពី​ព្រោះ​មិន​បាន​ជឿ​ដល់​ព្រះនាម​នៃ​ព្រះរាជបុត្រា​តែ​១​របស់​ព្រះ។

ជីវិតអស់កល្ប ក្នុងខ១៦ គឺជាជីវិត ដែលរស់នៅដោយ សុខសាន្ត នៅស្ថាសួគ៍ ជាមួយព្រះ រហូតទៅ ដោយមិនចេះស្លាប់។ ព្រលឹងមនុស្ស ទាំងអស់ ជាខ្យល់ដង្ហើមជីវិត ដែលចេញ ពីព្រះមក នោះ នឹងរស់ រហូត មិនចេះសា្លប់ ដូចគ្នា តែបើរស់នៅក្រៅ ពីស្ថានសួគ៍ នោះ មិនហៅថា ជីវិតអស់កល្បទេ។

គឺតួអង្គព្រះយេស៊ូវនេះហើយដែលទ្រង់មកសុគតនៅលើឈើឆ្កាង ដើម្បីបង្ហូរព្រះលោហិត លោះបាប មនុស្សយើង គឺជាឈាម យញ្ញបូជា ដើម្បីលោះបាប ដែលបានចង្អុល បា្រប់ ពីរដង ក្នុងមេរៀននេះ។

ថ្វីត្បិតតែរឿងនេះ ហាក់បី ដូចជាមិនសូវ ទំនងសម្រាប់មនុស្សខ្លះ ប៉ុន្តែ សមហេតុផល ល្មមឱ្យមនុស្ស ទទួលយល់បាន ពីដំណើរ ដែលមនុស្ស កើតមកមិនជឿព្រះ ហើយនឹងហេតុ ដែលបណ្តាល ឱ្យមនុស្សជួប នឹងសេចក្តីស្លាប់នេះ។ ក្រៅអំពី ព្រះគម្ពីរបរិសុទ្ធនេះ មិនមាន សៀវភៅណា ឬគម្ពីររបស់សាសនា ដទៃ ណា បាននិយាយ អំពីអំពើបាប និងសេចក្តីស្លាប់ ឱ្យច្បាស់លាស់ដូចនេះទេ ព្រោះគ្មានអ្នក ណាម្នាក់អាច ដឹង ពីការនេះបានឡើយ ក្រៅតែពី ព្រះមួយអង្គប៉ុណ្ណោះ។

_ តើអស់ លោក បងប្អូន បានដឹងថាខ្លួនមានបាបឬទេ?

_ តើអស់ លោក បងប្អូន បានដឹងថា ព្រលឹងរបស់ អស់ លោក បងប្អូន ត្រូវទៅនៅ ទីណា ឬទេ ក្រោយពីចាក ផែនដីនេះទៅ?

_ តើអស់ លោក បងប្អូន ចង់ទទួលជឿ ព្រះយេស៊ូវដើម្បី ឱ្យទ្រង់ទទួល ជាកូនទ្រង់ឬទេ?

បើចង់ នោះអស់លោក បងប្អូន អាចអធិស្ឋាន ដោយស្ងាត់ៗ នៅពេលណាក៏បាន ឬមួយ ក៏អាចចូលរួម អធិស្ឋានជាមួយខ្ញុំ តាមលំនាំបែបនេះ សូមសម្របចិត្ត តាមសេចក្តីអធិស្ឋាន៖

ឱ! ព្រះវរបិតា ទូលបង្គំជឿហើយថា ទ្រង់ជាព្រះ ដែលជាម្ចាស់ ស្ថានសួគ៍ និងអស់ ទាំងរបស់ នៅលើផែនដី ទូលបង្គំដឹងថា ទូលបង្គំ ជាមនុស្សមានបាប សូមអត់ទោស បាប កំហុស ទូលបង្គំៗ សូមអរព្រះគុណ ដែល ទ្រង់បានមក ជួយសង្គ្រោះទូលបង្គំ និងឱ្យ ទូលបង្គំ បានស្គាល់ថាទ្រង់ហើយ ជាអ្នក ដែលបង្កើត ទូលបង្គំ ដ៏ពីត ទូលបង្គំសូមអធិស្ឋាន ដោយពឹងអាង លើ ព្រះនាម ព្រះយេស៊ូវគ្រិស្ទ។ អាម៉ិន...

កំណត់សំគាល់ គោលសំខាន់ ក្នុងមេរៀន៖

១- មនុស្សមិនសា្តប់បង្គាប់ព្រះ នាំឱ្យមានបាប ហើយបាបនោះនាំមក នូវសេចក្តីស្លាប់ ឯសេចក្តីស្លាប់នេះ នាំឱ្យដាច់ ទំទាក់ ទំទង ជាមួយព្រះ ផ្នែកព្រលឹង វិញ្ញាណ ឯសាច់ឈាម ក៏ត្រូវស្លាប់ ទៅជាដីវិញ។

២- ការសម្លាប់សត្វឥតមានបាបទេ ព្រោះព្រះបានបង្កើតវាមក ឥតមានវិញ្ញាណទេ ហើយវា សម្រាប់ជាចំណី អាហារ របស់មនុស្សផង។ ចំពោះអ្នកមានជំនឿថា សម្លាប់សត្វបាប នោះ គឺមាន បាបតែក្នុង អារម្មណ៏ខ្លួន ឯងប៉ុណ្ណោះ។